香港文匯報訊（記者 子棠）Tyson Yoshi 昨日亮相太古城中心舉行的「Streets of Christmas Joy」主題活動。身為跑車愛好者的Tyson看到充滿街頭風的懷舊時速跑車打卡裝置，頓時兩眼發光化身小車迷，又即場發揮創意小宇宙，挑戰塗鴉創作遊戲及於現場大擺甫士影相打卡。

Tyson指：「以前我喺英國讀書嗰陣，都成日見到好多塗鴉，外國嘅塗鴉更加係一種好特別嘅文化，所以我自己都好鍾意呢種氛圍。啱啱喺澳洲做完兩站演唱會，都見到好多街頭塗鴉，我會行埋去睇嚇、影張相，平時去唔同地方都鍾意影低啲街頭塗鴉。我都有諗過想試嚇畫塗鴉，但係要搵咁大幅牆有啲難度。」

受訪時 ，Tyson指是特別回港出席活動，第二天將再到澳洲：「啱啱就做完兩場騷，呢次再去就係參加朋友婚禮，當係取嚇經，呢次再去就純粹放假，可以周圍玩嚇。」提到他與未婚妻Christy的婚禮，Tyson表示正在籌備當中，透露明年7月將到歐洲舉行婚禮，更坦言因賓客人數與未婚妻有爭拗：「我自己就唔想請太多人，想低調點，最好唔請啦，不過??家都應該超過100人。」